Бештин айынын 2-де Айгине МИБ кеңсесинде Айгине тобу менен ИЧКАП өкүлдөрү жолукту. Жолугушууда Кыргызстандагы салттуу кол өнөрчүлүккө байланышкан санарип булактын азыркы абалы каралды. Булак иштегенине карабай, сүрөттөрдү тактоо, жазмалардын бир нукта болушу, айрым айылдар боюнча маалыматтарды толуктоо жана колдонуучуларга ылайыктуу издөө жолдорун киргизүү зарылдыгы белгиленди. Ошондой эле, изилдөөчүлөр талаа маалыматтарын чогултуу учурунда туш болгон көйгөйлөр жана кыйынчылыктар талкууланды.
Бештин айынын 1-де УТРКдагы «Маек Төр» берүүсүндө Кыргызстандагы чийимташ мурасы кеңири талкууланды. Саймалуу-Таштагы таш бетине түшүрүлгөн белги-түшүнүктөрдүн байыркы даанышмандык дүйнөсүнө байланышкан мааниси айтылып, алардын элдик дастандык түшүнүктөр менен аралашып келгенин эксперттер белгилешти. Ошондой эле Жетинин айынын 10–14-үндө Калмак-Ашууда Айгине тарабынан уюштурулган аймактык жолугушуу жөнүндө кеңири сөз болду. Бул жолугушууга Кыргызстан, Өзбекстан, Казакстандан келген жөрөлгө жана жандуу салттарды изилдеген адистер, сүрөткө түшүрүүчүлөр жана жергиликтүү тургундар катышты. Алар таштагы белги-түшүнүктөрдү чечмелөөдөгү тажрыйбаларын бөлүшүп, бирдиктүү санарип булакка тиешелүү принциптерди макулдашты.
Бештин айынын 1-де Политех университетинин чоң залында «Жети Эненин Батасы» аттуу демилге коомчулукка тааныштырылды. Ачылыш бөлүгүндө Опера жана балет театрынан келген эки бийчи кыймыл аркылуу кырдаалдын оордугун жана адамдын ички сезимин сахнага алып чыгышты. Андан кийин адистер, жаштар жана коомдук ишмерлер зомбулуктун себептери, ачык сүйлөшүүнүн зарылдыгы жана жаштардын үнү угулушу керектиги боюнча пикир алышты. Иш-чаранын соңунда «Бата» аттуу кыска тасма көрсөтүлүп, биримдик, колдоо жана бири-бирин угуу маанилүү экендиги баса белгиленди.