Бүгүн  МИБ Айгиненин тобу өнөктөштөр менен бирге ЮНЕСКОнун 2003-жылдагы Материалдык эмес маданий мурасты коргоо Конвенциясынын Катчылыгынын өкүлдөрү менен консультациялык жолугушуу өткөрдү.  Катчылыгынын өкүлдөрү Айгине долбоорунун сунушуна техникалык баа берүүнү жүргүзүп жатышат. Пландаштырылган долбоордун максаттары –  Кыргызстандын материалдык эмес маданий мурасынын элементтеринин улуттук тизмесин санариптик форматка өткөрүү, ошондой эле Кыргызстанда жашаган элдердин Материалдык эмес маданий мурас элементтерин тизмесин жасоо.

Жолугушууда жамааттардын материалдык эмес маданий мурас элементтерин улуттук тизмесине киргизүүгө макулдугунун маанилүү маселелери жана жамааттардын материалдык эмес маданий мурас элементтер жөнүндө маалыматты санарип форматта жарыялоо талкууланды.

Жолугушууга Айгиненин көп жылдык өнөктөштөрү, ар кандай жамааттардын өкүлдөрү – Аманбүбү Төрөгелдиева, Чолпон Алымбекова, Чынар Сейдахматова, ошондой эле дунган жана уйгур жамааттарынын өкүлдөрү – этнограф, Орто Азиянын дунгандарынын Маданий мурастарды сактоо фондунун өкүлү Али Джон жана Ысык-Көл мамлекеттик университетинин профессору  Сайфулла Абдуллаев катышты.