Бейшемби күнү, 21-майда, “Эхо Манас” телеканалында МИБ Айгинин Кулун-Ата касиеттуу жери жөнүндө документалдык тасма көрсөтүлдү.

Кулун-Ата касиеттүү жери Ош облусунун, Кара-Кулжа районуна караштуу Алай-Куу өрөөнүндө, Көңдүк айылында жайгашкан. Кулун-Ата мамлекеттик коругунун аймагында орун алган. Жергиликтүү эл ичинде ыйык/касиеттүү деп кабылданган, оозеки тарыхка бай көл. Бул тасма бул жер жөнүндө толук баяндайт. Айгине маданий-изилдөө борборунун тобу тарабынан 2019 жылы август айында тартылган. Калың элдин маалымдуулугун көбөйтүүгө жана жер таануга түрткү болуучу тасма.

МИБ Айгине жергиликтүү калкка жана Кулун-Ата коругунун администрациясына чоң жардамы үчүн ыраазычылык билдирет.