Бүгүн, 3-февралда Айгине МИБнун тобу Кыргызстандын чийимташтарындагы бугу жана тоо текелердин сүрөттөрүн салттуу илим аркылуу чечмелөөгө багытталган кереге кеңеш өткөрдү. Иштин жүрүшүндө, бугу менен тоо текелердин кыргыздын салттуу маданиятында кандай мааниге ээ, руханий жана күнүмдүк жашоодогу эмнени түшүндүрөт жана кыргыз адам баласы үчүн эмнени билдирет деген сууроолор талкууга алынды. Талкуу Кыргызстандын түпкү элдеринин билимин байытуу боюнча жаңы демилгенин алкагында уюштурулуп, Бүткүл дүйнөлүк жергиликтүү илимий тармак (WISN) тарабынан колдоого алынган.
Month: February 2023
Кыргыз маданиятындагы канаттуу салттуу баш кийимдер
1-февралда МИБ Айгиненин кеңсесинде «Кыргыздын салттуу баш кийимдери» аттуу биринчи кереге кеңеш болуп өттү. Талкууга кол өнөрчүлөр, салттуу билимиди алып жүрүүчүлөр, өнөрпоздор, манасчылар, изилдөөчүлөр катышты. Жыйындын негизги маселеси – эркектердин жана аялдардын салттуу баш кийиминде канаттуулардын жүндөрүн жана канаттардын колдонулушунун мааниси жана себептери талкууланды. Талкуу каралып жаткан маселенин ар кандай жактарын камтыган төрт баяндаманын негизинде болду. “Кийиз дүйнө” коомдук уюмунун жетекчиси, кол өнөрчү Айдай Асангулова жаш кыздардын баш кийимдеринде негизинен үкүнүн жүнү кара күчтөрдөн коргоочу тумар катары колдонулганы боюнча изилдөөсүнүн жыйынтыгы менен бөлүштү. Ошондой эле орто жаш аялдар үчүн элечектин…