Author: admin

Маанилүү жумуш соңуна чыгып барат — Борбор Азиянын чийимташтары боюнча маалымат булагын түзүү иши аяктоодо. Бул жыйынтыктын артында айлар бою жүргүзүлгөн биргелешкен эмгек, талаа изилдөөлөрү, талкуулар, тактоолор жана өз ара ишеним турат. Натыйжада маалымат булагына аймак боюнча 84 чийимташ комплекси киргизилди: Казакстанда — 28; Өзбекстанда — 14; Тажикстанда — 4; Түркмөнстанда — 2; Кыргызстанда — 36. Маалымат булагын түзүүгө Айгиненин Борбор Азиянын бардык өлкөлөрүндөгү мурунку жана жаңы өнөктөштөр — археологдор, этнографтар, изилдөөчүлөр, жергиликтүү билим ээлери жана демилгелүү адамдар катышты. Бул ар түрдүү ыкмалар менен көз караштарды бириктирген жалпы максат —…

Өнөктөштөр менен жолугушуу: климаттын өзгөрүшү шартында суу жана салттуу билимдер: Бештин айынын 18-де Айгине МИБдин кеңсесинде «Association Organic Holding KG» юридикалык жактар ассоциациясынын өкүлдөрү жана Чынара Сейдахматова менен жолугушуу болуп өттү. Жолугушуунун жүрүшүндө аба-ырайынын өзгөрүшү шартында сууну пайдалануу жана бөлүштүрүү боюнча салттуу билимдерге байланыштуу маселелер талкууланып, кеңеш берилди. Айгине МИБ тобу аба-ырайынын өзгөрүшү боюнча жүргүзүлгөн изилдөөлөрүнө жана жергиликтүү суу байлыктарын башкаруу тажрыйбаларына негизделген сунуштар жана кеңештер менен бөлүштү. Ошондой эле Баткен облусунун Дөбө айылында ишке ашырылып жаткан долбоордун кийинки кадамдары талкууланып, Бештин айынын башында болгон алгачкы талаа сапарынын жыйынтыктары чыгарылды.…

Айгине МИБ «Манас» айтуучулар менен жолугушуулардын жаңы катарын баштады: Айгине МИБ эпостун «Чоң Казат» аттуу кайгылуу бөлүмүнүн негизинде согуш жана тынчтык маселелерин талкуулоого арналган манасчылар менен жолугушуулардын жаңы катарын баштады. Бул демилге эпосту тереңирээк түшүнүүгө жана анын бүгүнкү коомго берген сабактарын кайра баалоого багытталган. Алгачкы жолугушуу Жетинин айынын 26-да чоң манасчы Дөөлөт Сыдыков менен өткөрүлдү. Манасчы «Чоң Казаттагы» негизги окуялар, адамдык тандоо, жамааттын жоопкерчилиги жана тынчтыкты сактоого байланышкан наркый сабактар тууралуу өз ойлорун бөлүштү. Чолпон Турумбаева «Коңур үн» демилгесин Бакуда тааныштырып келди: Жетинин айынын 20–21инде Баку шаарында өткөн түрк дүйнөсүнүн…

Бештин айынын 2-де Айгине МИБ кеңсесинде Айгине тобу менен ИЧКАП өкүлдөрү жолукту. Жолугушууда Кыргызстандагы салттуу кол өнөрчүлүккө байланышкан санарип булактын азыркы абалы каралды. Булак иштегенине карабай, сүрөттөрдү тактоо, жазмалардын бир нукта болушу, айрым айылдар боюнча маалыматтарды толуктоо жана колдонуучуларга ылайыктуу издөө жолдорун киргизүү зарылдыгы белгиленди. Ошондой эле, изилдөөчүлөр талаа маалыматтарын чогултуу учурунда туш болгон көйгөйлөр жана кыйынчылыктар талкууланды. Бештин айынын 1-де УТРКдагы «Маек Төр» берүүсүндө Кыргызстандагы чийимташ мурасы кеңири талкууланды. Саймалуу-Таштагы таш бетине түшүрүлгөн белги-түшүнүктөрдүн байыркы даанышмандык дүйнөсүнө байланышкан мааниси айтылып, алардын элдик дастандык түшүнүктөр менен аралашып келгенин эксперттер белгилешти.…