Жыйынтыктоочу чыгармачыл кеч: Жетинин айынын 18-де Музыкалык драма театрында «Коңур үндүүлүк» аттуу долбоордун жыйынтык концерти болуп, ал анын жаркын соңуна айланды. Иш-чара Чолпон Турумбаеванын сөзү менен ачылып, «Коңур» салттуу үндүүлүгүнө арналган изилдөөнүн максаттары жана жыйынтыктары тууралуу айтып берди. Концерттин өзгөчө учуру катары көрүнүктүү манасчы Дөөлөт Сыдыков кыргыз салттуу оркестри жөнүндө «Манас» эпосунан үзүндү аткарды. «Алтын Нур» оркестри айрадан жандантылып аткарылган комуз жана кыл-кыяк сыяктуу музыкалык аспаптар менен 10 автордук чыгарманы аткарып, кыргыздын салттуу «Коңур» үндүүлүгүн кайра жандантты. Иш-чара мурастарды сактоо жана аларды азыркы маданиятка киргизүү тууралуу талкуу менен жыйынтыкталды.

Иш жолугуушуу: Бул жумада биз Кореядан келген изилдөөчүлөр тобу менен иш жолугуушу өткөрдүк. Алар жакынкы убакта Кыргызстандагы кол өнөрчүлүк секторун изилдөөнү башташат. Жолугушуунун жүрүшүндө биз кол өнөрчүлүк боюнча санарип маалымат булагын түзүү иш учурдагы баскычы жөнүндө кенен айтып берип, өлкөдөгү кол өнөрчүлүк индустриясын сактоо жана өнүктүрүү боюнча өз сунуштарыбызды жана бөлүштүк.

Өнөктөшүбүздүн иш-чарасы: Кече Айгине маданий-изилдөө борборунун жетекчиси Гулнара Айтпаева жана кызматкери Чолпонай У-Г “Жамааттык жергиликтүү маалымат кызмат бирлигинин” (ЖЖМКБ) жылдык жыйынына катышты. Жыйында 2024-жылдагы ишмердүүлүктүн жыйынтыктары, жетишкендиктер жана тажрыйбалар талкууланды. Айгине борбору жыл башында ЖЖМКБ менен биргеликте ишке ашырган, кыргыз коомундагы зордук-зомбулук көйгөйүн чагылдырган “Асыл Жан” түз берүүлөр демилгеси тууралуу маалымат берди. ЖЖМКБ 2013-жылы түзүлгөн жана 4 жамааттык радио менен 23 мультимедиялык борборду бириктирет. Бул медиа айыл тургундарына – аялдарга, жаштарга, мүмкүнчүлүгү чектелген адамдарга жана башка аярлуу топторго – өз көйгөйлөрүн талкуулоо жана чечүү үчүн аянтча сунуштап, маанилүү ролду ойнойт.