Year: 2026

Айгиненин долбоорлоруна байкоо жүргүзүү уланууда: бул жумада Айгине МИБ тобу кол өнөрчү Гүлмира Кутуеванын устаканасына барып, кыргыз аялдары колдонгон салттуу ат жабдыктарын изилдөө жана кайра жаратуу долбоорунун катышуучулары жана чеберлер менен жолугушту. Жолугушууда аялдардын ээр-токумун кайра жаратуу боюнча аткарылган иштердин аралык жыйынтыктары талкууланды. Кыргыздардын кыз узатуу салтында колдонулган аялдардын ээр-токумунун бөлүктөрү, ага тиешелүү жабдуулар, ошондой эле кыздын салттуу кийим үлгүлөрү көрсөтүлдү. Түштүк жана түндүк аймактардагы үлгүлөрдүн айырмачылыктарына — ээр-токумдун түзүлүшүнө, колдонулган материалдарга, жасалгаларга жана жасоо ыкмаларына өзгөчө көңүл бурулду. Топтолгон маалыматтар буюмдардын өздөрүн так кайра жаратууга жана алардын кыз узатуу…

Долбоорлорго байкоо жүргүзүү боюнча жолугушуулар: Бул жумада Айгине маданий изилдөө борбору ийгиликтүү аяктаган долбоорлордун катышуучулары менен байкоо жүргүзүү жолугушууларын улантты. Ар түрдүү демилгелердин өкүлдөрү өз долбоорлорунун жыйынтыктарын, алган сабактарын жана аларды мындан ары өнүктүрүү боюнча пландары менен бөлүшүштү. Жолугушуулар салттуу билимдерди бүгүнкү коомдун муктаждыктарына шайкеш өнүктүрүүнүн маанилүүлүгүн дагы бир жолу көрсөттү. Тажрыйба жана келечек: Пикир алышуулардын жүрүшүндө долбоорлордун коомчулукка тийгизген таасири, жаңы өнөктөштүктөрдү түзүү жана демилгелерди улантуу мүмкүнчүлүктөрү талкууланды. Катышуучулар салттар өзүнүн негизги баалуулуктарын сактоо менен заман талабына жооп бергенде гана жашай турганын белгилешти. Оштогу жолугушуу: Бүгүн Айгине командасы Ош…

Салттуу билим алып жүрүүчүлөргө ЖИ керекпи? ЖИ күнүмдүк жашоонун бир бөлүгүнө айланды. Бирок ал салттуу билимдерди сактоого жана бөлүшүүгө кандай таасир этет? Бул билимдер санарип системаларда кандай колдонуларын аныктоого алардын алып жүрүүчүлөрү өздөрү катыша алабы? Ушул суроолорду талкуулоо үчүн Айгине МИБ «Салттуу коомчулуктар жана ЖИ» долбоорунун алкагында практикалык иш чарага бул жумада даярдык көрө баштады. Иш чара салттуу билим алып жүрүүчүлөрдү, ар кыл муундардын өкүлдөрүн жана ЖИ адистерин бир аянтчага чогултат. Катышуучулар ЖИнин мүмкүнчүлүктөрү менен таанышып, салттуу билимдерди санарип чөйрөдө жоопкерчиликтүү колдонуу жолдорун биргелешип талкуулашат. Изилдөөчүлөрдүн күндөлүгүнөн: Кыргыздардын кыз узатуу…

Иш жолугушуулар: Бул жумада Айгине МИБ тобу Казакстан жана Өзбекстандагы өнөктөштөрү, ошондой эле Каракалпакстандын өкүлү менен бир катар онлайн жолугушууларды өткөрдү. Жолугушууларга Жанерке Шайгозова, Балгын Салыкова, Лутфия Мирзаева, Фируза Салимова жана Нуржамал Наурызбаева катышты. Талкуулардын негизги маселеси алдыдагы «Салттуу коомчулук жана жасалма интеллект» долбоору болду. Катышуучулар долбоордун максаттарын, негизги багыттарын жана күтүлүп жаткан жыйынтыктарын, ошондой эле алдыдагы семинардын мазмуну менен уюштуруу маселелерин талкуулашты. Өнөктөштөр демилгеге кызыгуусун жана долбоордун иш-чараларына катышууга даярдыгын билдиришти. Жолугушуулар идеялар менен бөлүшүүгө, күтүүлөрдү тактоого жана мындан аркы кызматташтыктын кадамдарын белгилөөгө мүмкүнчүлүк берди. Иш жолугушуулар: Ушул жумада…