Бүгүн МИБ Айгиненин жамааты уюштуруучулардын чакыруусу менен Супара Чуңкурчак улуттук маданий аймагында өткөн биринчи Түрк элдеринин салттуу тамак-аш этнофестивалында болушту. Фестивалдын жүрүшүндө бир нече бейзаттык маданий мурас байкоого алынып, тартылды. Тасмага терме, өрмөк, сайма сайуу, ошондой эле салттуу ашкананын тамактары чагылдырылды. Маалымат ЮНЕСКОнун Бейзаттык маданий мурастар фондунун колдоосу менен МИБ Айгине тарабынан ишке ашырылып жаткан « Бейзат маданий мурас дүйнөсүнө санариптешкен саякат» долбоорунун алкагында чогултулуп жатат. Фестивалды Түрксой эл аралык уюму «Супара» улуттук маданий аймагынын колдоосу менен уюштурган.
Year: 2023
Акыркы иш жолугуулар
Доктор Апела Колорадо, Түпкүү элдердин дүйнөлүк бирикмесинин негиздөөчүсу жана жетекчиси, маданий жана табигый мурасты аркалаган адамдар менен жолугуп, кезектеги сапарынын аягына чыкты. Дүйнөнүн ар башка өлкөлөрүнөн келген салттуу билимди аркалаган адамдар кыргыз жеринде жолугуп, тажрыйба жана пикир бөлүштү.
Пикир менен белек бөлүшүү жана коштошуу
Бугу айынын 22-де салттуу билимди аркалаган адамдар Таласка болгон саякат жана касиеттүү жерлерди басуу, ага тиешелүү ырымдар боюнча ой бөлүшүп, белектери менен алмашып, эмки жыйналышка чейин коштошту. Жыйналыш WISN (Түпкүү элдердин дүйнөлүк бирикмеси) тарабынан демилгеленип, Айгине маданий-изилдөө борборунун көмөгү менен ишке ашты. .
Чийимташтардагы канаттуу баш кийим
Ак-Суудагы Ак Булун айылдын тоосунда жайгаштар чийимташтардын арасында кайталангыс сүрөт табылган. Ошонун негизинде эмне себептен байыркы элдер, кыргыздар, куштардын канаттарын баш кийимдерине пайдаланган деген суроо коюп, чакан изилдөө жүргүзүп, 19-20 майда тасма маалымат тарта баштадык. Ал маалымат заманыбыздын шарттарына ылайыкталып, жаш муундарга, ошондой эле байыркы билимге кызыккан кишилерге багытталат.