Айгине МИБ-нун мурдагы негизги кызматкерлеринин бири, учурда Франкфурт-на-Майнедеги Иоганн Вольфганг Гёте университетинин Социалдык жана маданий антропология кафедрасынын окутуучусу жана илимий кызматкери, доктор Бактыгүл Тулебаева Кыргызстанда пилот долбоорун баштап жатат «Коомдук медиа тармактар жана Кыргызстандагы мусулман жаштарынын динге катышуусу». Айгине жергиликтүү өнөктөш катары кызматташууга даярдык көрүүдө.
Day: December 10, 2021
Маданий мурастын негизинде зомбулукка каршы
6-декабрда Айгине маданий-изилдөө тобунун жана өнөктөштөрүнүн Кыргыз Республикасындагы БУУ-Аялдар уюмунун өкүлдөрү менен жолугушуусу болуп өттү. Жолугушуунун максаты гендердик зомбулукка каршы 16 күндүк активдүүлүктүн жабылыш аземинин концепциясын талкуулоо болду. Концепция МИБ Айгине тарабынан сунушталган жана маданий мурастар жана аны алып жүрүүчүлөр зордук-зомбулукка каршы активдүү аракеттерге тартылышы керек деген ишенимге негизделген. БУУ-Аялдар уюмунун Кыргыз Республикасындагы жетекчиси Улзийисурен Жамсранды кызыктырган негизги суроолордун бири: “салттуу” деп аталган топтордун жана айылдык жамааттардын арасында кандай риторика, механизмдер жана инструменттер эффективдүү боло алат.