2021-жылдын 3-мартында Кыргызстандагы каада-салттар жана анын азыркы коомдогу милдеттери кандай темасына арналган биригүү тажрыйбалардын катарынан жолугушуу болуп өттү. Үч эксперт Чынара Сейдахматова, Шавкат Атаханов жана Джон Али тема боюнча доклад жасашты. Чынара С. каада-салтты аныктоодо дүйнө таанымдын айырмачылыгына токтолуп, илимий жана элдик ой жүгүртүү методдорунун ортосундагы айырмачылыкты жана алардын бир пикирге келүү мүмкүн эместигин баса белгиледи. Чынара каада-салтты социалдык тутумду куруу үчүн колдонулган жазылбаган ченемдер жана эрежелер деп аныктады. Ал тартиптин негизи катары салттуу коомдо катуу тик иерархиянын бар экендигин белгиледи. Мындай коомдогу адам өзүнчө адам катары эмес, системанын элементи…
