Author: admin

2025-жылдын Кулжа айынын19–22 Айгине маданий изилдөө борбору Кыргызстандын эң аз изилденген, бирок көзгө урунган чийимташ комплекстеринин бири — Жалтырак Ташка үч күндүк экспедиция өткөрдү. Ал Талас облусунун Бакай-Ата районунда, Үр Марал дарыясынын жогорку агымында жайгашкан. Экспедициянын жүрүшүндө команданын мүчөлөрү ондогон таш оюмдарын каттап, өлкөнүн байыркы көркөм мурасын түшүнүүгө маанилүү салым кошушту. Эң кызыктуу табылгалардын бири — куйругу салттуу кыргыз оюму менен берилген илбирстин элеси болду. Мындан тышкары, экспедицияда боз үйлөрдүн, жоокерлердин, аял мергенчилердин, кентаврлардын, сатирлердин, минотаврдын, татаал аңчылык көрүү белгилеринин жана ыйык символдордун сүрөттөрү катталды. Ар бир оюм археологиялык эстелик…

Иш жолугушуу: Баш оонанын 21-де Айгине МИБ тобу адистер менен биргеликте «Супара» этно-комплексине барышып, анын жетекчиси Жанылсынзат Турганбаева менен жолукту. Жолугушуунун негизги темасы — «Бейзаттык маданий мурастын дүйнөсүнө санариптик саякат» долбоорунун алкагында улуттук тамак-ашка арналган бөлүмдү бекитүү болду. Учурда биз бейзаттык маданий мурастын элементтеринин санариптик улуттук тизмесин (реестрди) аянтча түрүндө түзүүнүн акыркы баскычында турабыз. Жакында бул санариптик булак толугу менен бекитилип, Кыргызстандын Маданият министрлигине өткөрүлүп берилет. Ошондой эле Жаңыл эже менен алдыдагы иш-чаралар жана мүмкүн болгон кызматташтык багыттары талкууланды. Борбор Азиядагы чийимташтар боюнча бирдиктүү санариптик булак: Айгине МИБ тобу «Борбор…

Түз эфир: Өткөн жумада Айгине МИБ Жамааттык медианын чакыруусу менен түз эфирге конок болду. Эфир убактысы Айгине МИБдин «Кыргызстандын касиеттүү жерлерин пайдалануу жана сейрек ырымдарды сактоо, аларды тактоо жана коргоо чараларын даярдоо» аттуу долбоорунун ЮНЕСКОнун жаңы түптөлгөн «Мыкты тажрыйбалар» платформасына жергиликтүү коомдоштуктар менен иштөө жана маданий мурасты сактоо боюнча эң мыкты мисалдардын бири катары тандалганы туурасында болду. Талкуунун алкагында касиеттүү жерлерди изилдөө кандай жүргөнү, коомдоштук менен иштөөнүн жолдору жана ыкмалары, касиеттүү жерлерди сактоодогу көйгөйлөр жана маданий мурасты сактоонун жолдору тууралуу сөз болду. Борбор Азия чийимташтарынын маалымат булагы түзүлүүдө: Айгине маданий…

Манас Улуттук Академиясындагы адистик жолугушуу: «Бейзаттык маданий мурастын дүйнөсүнө санариптик саякат» долбоорунун алкагында Манас Улуттук Академиясы тарабынан атайын Айгине МИБ үчүн адистик жолугушуу уюштурулду. Жолугушууда кыргыз элинин оозеки чыгармачылыгына жана айтуучулук өнөрүнө арналган маалымат булагынын бөлүмдөрү талкууланды. Адистер бул маалымат булагынын маданият жана билим берүү тармактарындагы маанисин белгилешип, аны билим берүү программаларына киргизүүнү сунушташты. ЮНЕСКОнун Баалоо Комиссиясынын жайкы иш чара: Теке айынын 7-11 Париж шаарында ЮНЕСКОнун 2003-жылдагы Бейзаттык маданий мурастарды коргоо боюнча Конвенциясынын алкагында Баалоо Комиссиясынын жайкы иш чара өттү. Иш чарада дүйнөнүн ар кандай мамлекетинен келген 65 номинация каралды…