17-ноябрда МИБ Айгинин кеңсесинде 2020-жылы мезгилсиз дүйнөдөн кайткан заманыбыздын Залкары, акын, ырчы, устат Элмирбек Иманалиевдин чыгармачылыгына арналган сынакты уюштуруу боюнча жолугушуу өттү. Демилгени көтөргөң Айгине тобуна Б.Бейшеналиева атындагы Кыргыз Мамлекеттик маданият жана искусство университети жана жакын досторунун бири Кыргыз Республикасынын Эмгек сиңирген артисти, Ч.Айтматов жана Р.Абдыкадыров сыйлыктарынын лауреаты Сыймык Бейшекеев кошулуп, ой бөлүшү орун алды. Бул демилгенин кыска жана узак мөөнөттү тариздери, сынактын мөөнөтү, шарттары жана байге каражаттары талкууга алынды.
Author: admin
МИБ Айгине ЮНЕСКОдогу материалдык эмес мурас боюнча бейөкмөт уюмдардын форумунда жумушчу топту жетектөө сунушталды
2021-жылдын 5-ноябрында МИБ Айгине командасы ЮНЕСКОнун Конвенциясына аккредиттелген БӨУлардын географиялык жактан тең салмактуу өкүлчүлүгү боюнча жумушчу топтун пландаштырылган отурумуна катышты. Бул топтун максаты – Форумда материалдык эмес мурас боюнча бейөкмөт уюмдардын тең салмактуу өкүлчүлүгүнө көмөк көрсөтүү. Отурумдун жүрүшүндө 13-18-декабрга чейин Франциянын Париж шаарында өтө турган ЮНЕСКОнун материалдык эмес мурасты коргоо боюнча өкмөттөр аралык комитетинин 16-сессиясында бейөкмөт уюмдар форумунун мүчөлөрү үчүн топтун расмий презентациясын уюштуруу маселелери талкууланды. Бул презентациянын жүрүшүндө аталган жумушчу топтун төрагалыгына МИБ Айгине талапкерлиги көрсөтүлөт. МИБ Айгине, 2003-жылы ЮНЕСКОнун Конвенциясында аккредиттелген бейөкмөт уюм катары, 2018-жылдан бери материалдык эмес…
Консультациялык жолугушуулар
5-октябрда МИБ Айгине тобу Лондон университетинин антропология бөлүмүнүн профессору Рут Мэйс менен онлайн консультациялык жолугушуу өткөрдү. Профессор Рут Мэйс жана анын тобу Кыргызстанда “Демография жана гендердик бир жактуу басмырлоочу маданий практиканын экологиясы – Кыргызстандагы мажбурлап никелердин жүрүм-турумдук экологиясы” деген темада изилдөө жүргүзүүнү пландаштырууда. МИБ Айгине тобу мажбурлап никеге туруунун абалы, өлкөдөгү талаа изилдөөлөрүн уюштуруу боюнча сунуштары, ошондой эле долбоорду ишке ашыруудагы жергиликтүү өнөктөштөрдүн ролу тууралуу өз көз караштары менен бөлүштү.
Касиеттүү жайларды сактоо боюнча Колдонмо - орто мектептерге
Касиеттүү жерлер кыргыздардын байыртан бери жаратылышты таанып билүү жана сактоо жолу катары сакталып келе жатышат. Жаратылыш менен бирге ата-бабалардын түпкү маданияты ал жерлерде сакталат. Бүгүн МИБ Айгине Көндүк мамлекеттик орто мектепке “Касиетүү жерлерди жана зыярат ырым-жырымдар коргоо боюнча Улуттук Колдонмо” китептерди белекке берди. Китеп Мекен жана Жаратылыш таануу сабактарында колдонулат.