Бүгүн № 5 балдар мектебинин концерттик залында Комузчу, күүчү, ырчы-аткаруучу, Эн-Белги комуз үйрөнүү ыкмасынын ээси, Кыргыз Республикасынын Эл артисти Нурак Абдрахмановдун 75 жылдыгына карата, көп кырдуу чыгармачыл дүйнөсүнө арналган «Дайым сулуу бул дуйнө» аттуу кароо-сынактын тандоо туру болуп өттү. Экинчи тур 14-ноябрда өтөт.
Author: admin
Айгине жана Дүйнөлүк Түпкү Илим Тармагы (WISN) өнөктөштүгү
Бүгүн, 10-октябрда МИБ Айгиненин кызматкерлери менен көп жылдык өнөктөшү, Бүткүл дүйнөлүк жергиликтүү илим тармагынын (WISN) директору, доктор Апела Колорадо ошондой эле тармагынын кызматкери, үн инженери, Мэтью Такер ортосунда жумушчу жолугушуу болуп өттү. Доктор Апела Колорадо жергиликтүү өнөктөштөр менен бир катар жолугушуулардан алган таасирлери менен бөлүштү. Жолугушууда ошондой эле биргелешкен долбоорлордун жыйынтыктары жана Айгине менен WISN ортосундагы мындан аркы кызматташуунун мүмкүн болгон жолдору талкууланды. Атап айтканда, Апела өзүнүн “Дүйнөлөрдүн ортосундагы аял” (Woman between the worlds) аттуу китебин белекке берди. Биз аны которуунун мүмкүнчүлүктөрүн талкууладык. Материалдык эмес маданий мурастарды тереңирээк жана ар…
Ак-Булуңдун чийимташтары тууралуу таңкы уктуруу
Кечээ, 26-сентябрда Кыргыз радиосунда түз эфирде Ак-Булуңдун чийимташтары тууралуу таңкы уктуруу жаңырды.Чийимташтар тууралуу маекке археолог, тарых илимдеринин кандидаты, Кыргыз улуттук университетинин окутуучусу Ороз Солтобаев жана салттуу илим боюнча адис Жумагазы Садыр уулу катышты. Адисттер Ак-Булуңдун (Ысык-Көл облусу) чийимташтары Кыргызстандын тарыхында, маданиятында, өлкөдөгү туризмди өнүктүрүүдө илимий жана руханий мааниге ээ экенин айтышты. Ошондой эле, адисттер өлкө боюнча чийимташтар топтолгон жерлерди изилдөөнүн жана сактоонун маанилүүлүгүн белгилешти.
Иш жолугуулар
21-25-августта МИБ Айгиненин өкүлдөрү Бишкек шаарында, Каракол шаарында жана Ак-Суу районунун борборунда Ак-Суу районундагы Ак-Булуң чийимташтардын айланасында корголуучу аймагын түзүүнүн жолдорун жана мүмкүнчүлүктөрүн изилдөө максатында жолугушууларды өткөрүштү. Мындай сунушту өнөктөштөр – археология жана материалдык мурастар боюнча адисттер изилдөө долбоорун ишке ашыруу учурунда киргизишкен. Жолугушуулардын жыйынтыгында сунушту ишке ашырууну кыйындаткан бир катар жагдайлар аныкталды. Маданият министрлигинин алдында өзгөчө корголуучу аймактарды долбоорлогон түзүлүшү бар, бирок ал өзүн өзү каржылап, кымбат баалуу долбоорлорго гана басым жасайт. Дагы бир жолу бар – ушул сыяктуу кызматтарды көрсөткөн жеке уюм, ал дагы чет элдик долбоорлорго багытталган.…